Azərbaycan Respublikasının mədəniyyət naziri Adil Kərimli ötən gecə, vəfatından öncə Xalq şairi Nəriman Həsənzadəni ziyarət edib.
Fatehler.az -ın Oxu.Az-dan əldə etdiyi məlumata görə, mədəniyyət naziri Xalq şairinin müalicə olunduğu Mərkəzi Klinikaya gedib.
Mərkəzi Klinikanın baş həkimi Kamran Musayev şairin səhhəti ilə bağlı məlumat verib.
Bildirilib ki, süni tənəffüs aparatına qoşulan ədibin səhhətində mənfi dinamika müşahidə olunur.
Xalq şairinin ailə üzvləri ilə söhbət edən nazir Nəriman Həsənzadənin Azərbaycan ədəbiyyatı və mədəniyyətinin inkişafında mühüm xidmətləri olduğunu bildirib.
Qeyd edilib ki, ədibin yaradıcılığı hər zaman ölkə rəhbərliyinin diqqətində olub. Şair dövlətimizin ali təltiflərinə layiq görülüb və Birinci vitse-prezident, Heydər Əliyev Fondunun rəhbəri Mehriban Əliyeva tərəfindən şairin müalicəsi daim diqqətdə saxlanılıb.
