Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevanı doğum günü münasibətilə səmimi-qəlbdən təbrik edir, ona möhkəm cansağlığı, uzun ömür, ailə səadəti və gələcək fəaliyyətində uğurlar arzulayırıq.
Mehriban Əliyevanın Azərbaycanın inkişafı, xalqın rifahının yüksəldilməsi, təhsil, səhiyyə, mədəniyyət və idmanın inkişafı istiqamətində həyata keçirdiyi çoxsaylı layihələr, həmçinin uşaqlara və gənclərə, şəhid ailələrinə və əhalinin həssas təbəqələrinə göstərdiyi diqqət və qayğı xüsusi əhəmiyyət daşıyır.
Heydər Əliyev Fondunun prezidenti kimi həyata keçirdiyi genişmiqyaslı humanitar, sosial və mədəni layihələr ölkəmizin ictimai həyatında mühüm iz qoyub. Təhsil və səhiyyə müəssisələrinin yenilənməsi, mədəni irsin qorunması, milli-mənəvi dəyərlərin təbliği, uşaqların və gənclərin inkişafına dəstək göstərilməsi istiqamətində görülən işlər cəmiyyət tərəfindən yüksək qiymətləndirilir.
Mehriban Əliyevanın humanist fəaliyyəti, xeyirxahlığı və sosial məsuliyyətə əsaslanan təşəbbüsləri Azərbaycanın ictimai həyatında xüsusi yer tutur.
Bu əlamətdar gündə Mehriban Əliyevaya möhkəm cansağlığı, uzun ömür, ailə səadəti və Azərbaycanımızın tərəqqisi naminə həyata keçirdiyi fəaliyyətində yeni-yeni uğurlar arzulayırıq.
Doğum gününüz mübarək, Mehriban xanım!
