Gürcüstan parlamenti Seçki Məcəlləsinə dəyişiklikləri təsdiqləyib

0 15

Gürcüstan parlamenti “Gürcü arzusu” deputatlarının təşəbbüsü ilə Seçki Məcəlləsinə edilən dəyişiklikləri təsdiqləyib.

«Report»un Gürcüstan mətbuatına istinadən verdiyi məlumata görə, layihə yekdilliklə qəbul edilib, bunun əsasında seçki administrasiyası tərəfindən yüksək kvoruma malik qərarların qəbul edilməsi proseduru dəyişdirilib.

Söhbət Mərkəzi Seçki Komissiyasının (MSK) iclasında MSK-nın tam tərkibinin azı üçdə ikisinin dəstəyi ilə keçirilən səsvermənin nəticələrinə əsasən qəbul edilməli olan qərarlardan gedir.

Seçki Məcəlləsinə edilmiş dəyişikliklər nəzərə alınaraq, MSK səslərin azı üçdə ikisinin dəstəyi ilə qərar qəbul edə bilmədikdə, səsvermə yenidən MSK-nın həmin iclasında keçiriləcək və qərar qəbul ediləcək. MSK-nın tam tərkibinin səs çoxluğu tərəfindən dəstəkləndiyi təqdirdə qəbul edilmiş sayılır.

Hakim partiya hesab edir ki, bu dəyişikliklər Mərkəzi Seçki Komissiyasının səmərəli fəaliyyətinə töhfə verəcək və onun fəaliyyətində pozuntuların qarşısını almağa kömək edəcək.

Leave A Reply

Your email address will not be published.