ABŞ Prezidenti Donald Tramp İrana qarşı hərbi əməliyyatlara başlamaq variantını nəzərdən keçirir.

Oxu.Az “Daily Mail” qəzetinə istinadən xəbər verir ki, mümkün hərbi zərbə İranın nüvə proqramından irəli gələn təhlükəni tamamilə aradan qaldıra bilər.

Məlumata görə, hazırda Tehranla hesablaşmaq üçün ən optimal andır və bundan daha yaxşı fürsət olmayacaq.

Qeyd olunur ki, bu yaxınlarda ABŞ-nin üç görünməz bombardmançısı “B-2” Hind okeanında yerləşən Dieqo-Qarsiya hərbi bazasında yerləşdirilib. ABŞ bombardmançılarının bir yerdə cəmləşməsi nadir haldır və bu təyyarələr “GBU-57” tipli dəqiq bunker dağıdan bombalar daşıya bilər. Məhz bu silah İranın möhkəmləndirilmiş nüvə sığınacaqlarını məhv etməyə qadirdir.

Bildirilir ki, Trampın ticarət müharibəsi ikinci dərəcəli hadisədir, əsl müharibə isə artıq yaxınlaşır.