Biləsuvarda iki məktəb üçün yeni bina inşa olunur.
Bu barədə «Report»un Muğan bürosunun sorğusuna cavab olaraq Şirvan-Salyan Regional Təhsil İdarəsindən məlumat verilib.
Qeyd olunub ki, hazırda Biləsuvar rayonu Bəydili kənd və Nəsimi kənd tam orta məktəbləri üçün yeni bina tikilir.
Həmçinin Biləsuvar rayonu üzrə 2 ümumi təhsil müəssisəsində və 1 məktəbəqədər təhsil müəssisəsində cari təmir işləri həyata keçirilib.
Məlumata görə, rayon üzrə I sinifdə 1 171, IX sinifdə 1 451, XI sinifdə isə 979 nəfər şagird 2024-2025-ci tədris ilində təhsil alacaq.