Dostunu bıçaqlamaqda təqsirləndirilən Cəmil Rüstəmova hökm oxunub.
Lent.az-ın əldə etdiyi məlumata görə, bu barədə hökm Bakı Ağır Cinayətlər Məhkəməsinin hakimi Telman Hüseynovun sədrliyi ilə keçirilən prosesdə elan edilib.
Hökmə əsasən, təqsirləndirilən şəxsə qarşı irəli sürülən 126.2.4-ci maddə 131-ci maddəyə tövsif edilib.
Yekun olaraq o, 3 il 11 ay 27 gün müddətinə azadlıqdan məhrum edilib.
Xatırladaq ki, dövlət ittihamçısı Valeh Ələkbərov ittiham nitqi ilə çıxış edərək məhkəməyə təqsirləndirilən şəxsin 9 il müddətinə azadlıqdan məhrum edilməsini təklif etmişdi.
