Ostin: Ukraynanın müttəfiqləri Ramşteyndə Kiyevə 2027-ci ilədək dəstək planlarını təsdiqləyiblər
Ukraynaya silah tədarükünün əlaqələndirilməsi üzrə qrupun iştirakçıları Kiyevlə hərbi əməkdaşlığın səkkiz istiqaməti üzrə «yol xəritələri»ni təsdiqləyiblər.
“Report” TASS-a istinadən xəbər verir ki, bu barədə Almaniyanın Ramşteyn aviabazasında qrupun 25-ci iclasının açılışında ABŞ-nin müdafiə naziri Lloyd Ostin bildirib.
«Bu gün 15 ölkənin nümayəndələrinin iştirakı ilə koalisiya qrupunun liderlərinin iclası keçirilib. Onlar 2027-ci ilədək «imkanlar koalisiyası»nın yol xəritələrini təsdiqləyiblər. «İmkanlar koalisiyası» vasitəsilə tərəfdaş ölkələr Ukraynanın döyüş meydanındakı təcili ehtiyaclarını daha da təmin edə bilərlər», — o vurğulayıb.
