Türkiyədə qadın qonşusu tərəfindən qətlə yetirilib.
Lent.az yerli mediaya istinadla bildirir ki, hadisə Şanlıurfa şəhərinin Bağlarbaşı məhəlləsindəki binalardan birində baş verib. Tikintidə çalışan kişi evə qayıdıb 1 uşaq anası olan 29 yaşlı arvadı suriyalı Nur Süleymanın meyiti ilə qarşılaşıb.
Meyitin boğaz və bədəninin müxtəlif yerlərində bıçaq xəsarətləri olub. Məlumata görə, qadın 1 yaşlı uşağının gözü önündə öldürülüb.
Hadisə yerinə gələn polislər qətllə əlaqədar olaraq, həmin binada yaşayan və adı açıqlanmayan bir nəfəri saxlayıblar.
Faktla bağlı cinayət işi başlanıb.
